2011, ഫെബ്രുവരി 23, ബുധനാഴ്‌ച

കുറ്റിപെന്‍സില്‍

--------------------------------------------------------------

ഒരു നാള്‍ മരിച്ചവരെല്ലാം


നിന്‍റെ നഗരത്തില്‍
ഉയര്‍ത്തെഴുനേല്‍ക്കപ്പെടും .



നിന്‍റെ കാതുകളില്‍
യന്ത്ര ചിറകുകള്‍ മുരളും.



നെഞ്ചില്‍
വെടിയൊച്ചകള്‍ പിടയും .

മുറിവേറ്റവരെ ബാക്കി വെച്ച്
സൈറണുകള്‍ പാഞ്ഞു പോകും .



അന്ന് നിന്നെ പോലെ
ആരുമുണ്ടാവില്ല .



അവര്‍ നിന്‍റെ പിറകില്‍


വരികളായ് അണി നിരക്കും.



നീ എഴുതി തേഞ്ഞ്
ഒരു ചരമ കോളത്തില്‍
മുനയൊടിഞ്ഞ് ചത്തതല്ല .



ഭരണകൂടത്തിന് ഒരു കുത്തിടാന്‍
മുന കൂര്‍പ്പിച്ച്
ഒരു തെരുവില്‍ കൊല്ലപ്പെട്ടതാണ് .


-----------------------------------------------------------------------------ഷംസ്